زغـــيرة الامـــس

راهبة الخميسي

يمته أرد ياديرتي لحضن ألدفو؟
وأشهك نفس طيب وعشك زنادي
بيدك ياوطن صحوه وغفو كردانه
تترصع شذر وتلامس ألجيد ألترف
يابنية ألعشرين من عمر ألصفو
يا آخر ألعنكود يزغيرة امس
يلي تدللتي بحضن من دللج
مرت عليج سنين هجران وحزن
أمر ألقدر يامدلله؟
لو طالعج هو ألنحس؟
سيره ومضت كلها ألم
يلي دفعتي ألعمر بالثمن ألبخس
وينه ألذي يوفي ويكول
هنا يروحي تدللت؟
جا هيه روحي الدللت
كل ألبشر وألحبت الكيعان
وأوفت ماتريد تضوك ساعات ألعرس؟
جنهه ألحلم أيام عمري
أللي أنكضت كلساع
أهيسنك رمح تغرس غرس
وين الوعد يلواعدت؟
جا هو حلم أخضر تريده ألروح لحظات ألهمس؟
عمر ألجفاف وياك
ماهو سنين يلي رخصت
ألمدلله برخص ألرخص
وظلت أماني ألروح متعلكه
بزمان ألمضى يامن جنتي
زغيره ويامن دللج من دللج
ماترجع ألايام وسنين ألمضت
وأرجع يروحي مدلله زغيرة أمس